हिन्दी, इंग्लिश और उर्दू में आ पहुँचना के अर्थदेखिए

آپہنچنا ’’پہنچ جانا، آجانا‘‘ کے معنی میں یہ محاورہ ہندی والوں نے عام کیا ہے۔ اردو میں یہ اس وقت استعمال ہوتا ہے جب حیرت، یا ناخوشی، یا تنبیہ کا اظہارکرنا ہو۔ یا پھر کچھ سعی و جہد کے بعد کہیں پہنچ جانے کا بیان ہو۔ غالب؎ بعد از اتمام بزم عید اطفال ایام جوانی رہے ساغر کش حال آپہنچے ہیں تا سواد اقلیم عدم اے عمر گذشتہ یک قدم استقبال امداد علی بحر؎ وصل جاناں نہ ہوا وقت وصال آ پہنچا وائے حسرت کہ رہی دل کی تمنا دل میں اس کے برخلاف، ہندی میں اس طرح لکھا اور بولاجانے لگا ہے: غلط: دلی جانے والی گاڑی امرتسر سے آپہنچی۔ غلط: سارے کھلاڑی آ پہنچے۔ غلط: انڈین ایئرلائنس کی اڑان لکھنئو سے آپہنچی ہے۔ غلط: اب وہ گھڑی آپہنچی ہے جس کا انتظار تھا۔ افسوس کہ بعض اردو والے بھی اس طرح لکھنے لگے ہیں۔ یہ سارے استعمالات خلاف محاورہ اور واجب الترک ہیں۔

ماخذ: لغات روز مرہ    
مصنف: شمس الرحمن فاروقی