हिन्दी, इंग्लिश और उर्दू में लाम-अलिफ़ के अर्थदेखिए

لام الف کوئی نصف صدی پہلے تک لام الف [یعنی لا] اردوکے حروف تہجی میں شمار ہوتا تھا۔ غالب نے بھی اس وقت کے رواج عام کا لحاظ کرتے ہوئے اسے اردو کا حرف تہجی مانا ہے، لیکن لکھا ہے کہ یہ حروف مفردہ میں نہیں۔ ملاحظہ ہو، ’’اردو کے حروف تہجی کی جنس‘‘۔ لیکن دلچسپ بات یہ ہے کہ لام الف کو حرف ماننے سے انکار کرنے کی روایت بہت پرانی ہے۔ شاہ عالم بہادرشاہ اول کے زمانے (۸۰۷۱) میں کسی بزرگ امان اللہ نے فارسی میں ایک چھوٹی سی منظوم فرہنگ ’’دافع الاغلاط‘‘ نام کی لکھی تھی۔ اس میں لام الف کے بارے میں انھوں نے عجب دلچسپ بات کہی ہے ؎ لام الف دو حرف باشد اے شہ رنگیں کلام چوں الف ساکن بود مانند لا و ما مدام زاں سبب حرکت نہ باشد برسرش اے ذو فنوں لام را لاحق با او کردند از بہر سکوں گر کسے گوید چرا کردندلا حق خاص لام بشنوی از جاں جوابش اے مہ فرخندہ فام در الف لام است جائے دل ببیں اے دلستاں در دل لام است ہم حرف الف اے نکتہ داں زاں سبب پیوند کردند ایں دورا باہم بہ بیں صورت ہمزہ بود چوںالف اے نازنیں اس دلچسپ لیکن ذرا انوکھی بحث کا حاصل یہ ہے کہ الف تو کبھی متحرک ہوتا نہیں ہے اور ابتدا بسکون محال ہے، لہٰذ الف کو متحرک لکھیں تو کیسے لکھیں؟ اس مسئلے کو حل کرنے کے لئے الف کے سر پر لام لکھ دیا۔ الف تو اب بھی ساکن رہا، لیکن اب وہ لام کا دل (وسطی حرف) ہے اور الف کے اندر بھی لام ہے اور اصلیت یہ ہے کہ ہمزہ کی صورت الف کی سی ہوتی ہے [لہٰذا یہ’’لام الف=لا‘‘ نہیں بلکہ لام اور ہمزہ ہے]۔ یہ سب گڑبڑ جھالے دلچسپ ہیں، لیکن اردو میں الف اور ہمزہ کا ان سے کوئی تعلق نہیں۔ اس وقت بس اس بنیادی بات کو ظاہر کرنے سے غرض ہے کہ لام الف [لا] کو حرف تہجی نہ ماننے کی روایت بہت پرانی ہے۔۴۷۲-۵۷۲

ماخذ: لغات روز مرہ    
مصنف: شمس الرحمن فاروقی