हिन्दी, इंग्लिश और उर्दू में मना' करना के अर्थदेखिए

منع کرنا ’’انکار کرنا‘‘ اور’’منع کرنا‘‘ الگ الگ عمل ہیں۔ ’’انکار کرنا‘‘ کے معنی ہیں ’’کسی کام کو کرنے پر رضا مند نہ ہونا، کسی چیز کو ماننے یا قبول کرنے پر راضی نہ ہونا۔‘‘ صحیح: حامد نے صبح کو آنے سے انکار کردیا۔ صحیح: حامد نے اس بات سے انکار کیا کہ اس نے روپئے لئے تھے۔ صحیح: حامد کا انکار اور دوسروں کا اقرار ایک ہیں۔ صحیح: حامد نے فی الحال شادی کرنے سے انکار کردیا ہے۔ مندر جہ بالا جملوں میں’’انکار‘‘ جن معنی میں برتا گیا ہے، آج کل بعض لوگ ان معنی کو بیان کرنے کے لئے’’منع‘‘ استعمال کرتے ہیں: غلط: حامد نے صبح کو آنے سے منع کردیا۔ غلط: حامد نے اس بات سے منع کیا کہ اس نے روپئے لئے تھے۔ غلط: حامد کا منع کرنا اور دوسروں کا اقرار ایک ہیں۔ غلط: حامد نے فی الحال شادی کرنے سے منع کر دیا ہے۔ مندرجہ بالا تمام جملوں میں ’’منع‘‘ کو’’انکار‘‘ کے معنی میں استعمال کیا گیا ہے جو بالکل غلط ہے۔

ماخذ: لغات روز مرہ    
مصنف: شمس الرحمن فاروقی