اردو، انگلش اور ہندی میں گَھر کا بھیدی لَنْکا ڈھائے کے معانیدیکھیے

وضاحتی نوٹ • اس مثل کا مطلب یہ ہے کہ جب گھر والوں ہی میں پھوٹ پڑ جائے۔ تو کتنی ہی احتیاط کی جائے فساد ضرور پھیلتا ہے اور دشمنوں کو اس نفاق سے فائدہ پہونچتا ہے یار راز دار کی دشمنی بہت نقصان پہونچاتی ہے۔ لنکا کا راجه راون سیتاجی کو اٹھا لے گیا تھا راجہ رام چندرجی نے لنکا پر چڑھائی کی تاکہ سیتا جی کو راون کی قید سے چھڑائیں۔ زمانۂ جنگ میں راون کے بھائی وبھیشن سے رام چندر جی کو بہت مدد لی۔ وبھیشن کو یہ وردان ملا ہوا تھا کہ اس سے کوئی غلط کام سرزد نہ ہوگا وہ ہمیشہ سے ایمان دار اور راکھششوں کا مخالف رہا تھا یہی سبب تھا کہ اس سے اور راون سے ہمیشہ جھگڑا رہتا تھا راون نے اپنی طاقت کے زور سے اسے راج کی تمام مراعات سے محروم کر دیا تھا۔ وبھیشن اُڑ کر کیلاش گیا اور شیوجی کی ہدایت پر واپس آکر اس نے رام چندر جی کا ساتھ دیا۔ اس نے رام چندرجی کو لنکا کے وہ تمام راز بتا دیے جن کے بغیر ان کا فتح کرنا دشوار تھا ۔ راون کی شکست اور موت کے بعد لنکا کی حکومت رام چندر جی نے اسی کے حوالہ کر دی تھی۔ اسی وقت سے یہ مثل مشہور ہو گئی۔ دل کھوٹا ہے ہم کو اس سے راز عشق نہ کہنا تھا گھر کا بھیدی لنکا ڈھائے اتنا سمجھے رہنا تھا شوق قدوائی