(ادویات) ایک پیڑ کی جڑ ہے جِس کے پتّے بارتنگ کے پتّوں کی طرح ہوتے ہیں اور ان سے کچھ چوڑے ہوتے ہیں اور پُھول سُرخ رنگ اور درخت کی ساق چار اُنگل کی ہوتی ہے ، ستیاناسی کا پُھول جِسے شقائق النعمان بھی کہتے ہیں خاندان شقیشقیہ (رے نن لو کیشیا) سے ہے ، لاط : Hellebors .

(ادویات) ایک رُوئیدگی کی جڑ جس کو فارسی میں خال زنگی اور عربی میں خریق اسود اور ہندی میں کالا کچلا بولتے ہیں : لاط : Helleborus Niger .

(ادویات) خربق کی جڑ جو چھوٹی سی مُستطیل مگر کسی قدر پیاز کی طرح ہوتی ہے اور کوئی بیخ خطمی اور بیخ کبر کی طرح بھی ہوتی ہے رنگ اس جڑ کا اندر سے سفید زردی مائل ہوتا ہے اس میں بہت سے باریک تار لگے ہوتے ہیں ، خربِقِ اَبیض لاط : Hellebors Albus .