اردو، انگلش اور ہندی میں کَٹَم کَٹَوّا کے معانیدیکھیے

اسم، مذکر

• (اطفال) ایک کھیل جس کی یہ صورت ہوتی ہے کہ پان٘چ چھ بچّے جمع ہوئے ، ایک کو چور بنا دیا ، باقی اس کے گرد گھیرا ڈال کر بیٹھ گئے ، گھیرے والوں میں سے کوئی ایک لڑکا اپنے داہنے ہاتھ میں چور کی دونوں ہتھلیاں ملا کر پکڑتا ہے اور اس کے ان٘گوٹھوں کے بیچ میں بائیں ہاتھ کی چُھن٘گلیاں رگڑ کر کہتا ہے : کٹم کٹوّا ، تم ہو ہوّا ، ماں چیل باپ کوّا ، کدھر دل کدھر بزار ، چھلنی میں کھائے گا چھاج میں ؟ کوئیں کا پانی پیے گا نہر کا ؟ کھڑے کو چھوئے گا بیٹھے کو ؟ چور جواب دیتا ہے : میں کھڑے کو چھوؤں گا ، تو تمام لڑکے بیٹھے رہتے ہیں اور جو وہ کہتا ہے بیٹھے کو ، تو سب جلدی سے کھڑے ہو جاتے ہیں ، اب میاں چور اس تاک میں رہتے ہیں کہ کوئی لڑکا کھڑا ہو یا بیٹھے تو اسے چھو کر اپنی پالی اس پر چڑھائیں ، اگر وہ چُھو لیتا ہے تو چُھوا ہوا لڑکا چور بن جاتا ہے اور پہلا چور گھیرے میں شامل ہو جاتا ہے ، گھٹم کھٹوّل.