تلاش شدہ نتائج

محفوظ شدہ الفاظ

"آگ" کے متعقلہ نتائج

تَجَسُّس

جستجو، کھوج، تحقیق، تلاش، کرید، تحقیقات

تَجَسُّس کُناں

تلاش کرتا ہوا

تَجَسُّس کَرنا

be inquisitive, show curiosity, pry into

تَجَسُّسِ نَظَرِ شُعْلَہ جُو

curiosity of glance of one searching for flame

آگ سے متعلق کہاوتیں

آگ

اصل: سنسکرت

'آگ' پر مشتمل اردو کہاوتیں

اپنی لِٹّی پر سب آگ رکھتے ہیں

ہر ایک اپنے لئے کوشش کرتا ہے، اپنی روٹی سب سینکتے ہیں یعنی سب اپنا غرض دیکھتے ہیں

اَپْنے ہی گَھر سے آگ لَگی ہے

اپنوں ہی کا اٹھایا ہوا فساد، کسی غیر کی شرارت نہیں

آخر کو آگ لگ گئی گھر کے چراغ سے

آخر اپنے ہاتھ سے اپنا نقصان ہوا

آگ اور بیری کو کم نہ سمجھے

آگ چاہے کتنی ہی کم ہو اور دشمن کیسا ہی حقیر ہو مگر ان دونوں کو تھوڑا نہ سمجھنا چاہیئے، آگ کے پھونک دینے اور دشمن کے ضرر پہنچانے میں دیر نہیں لگتی

آگ اور خس ایک جا ہو تو ممکن نہیں کہ نہ جلے

اگر مرد اور عورت اکٹھے ہوں تو ضرور زنا کی نوبت آتی ہے

آگ اَور رُوئی کا کیا ساتھ

متضاد مزاج والوں کی دوستی قابل اعتبار نہیں، دشمنوں کا کیا میل ملاپ

آگ اَور رُوئی کیا دوسْتی

متضاد مزاج والوں کی دوستی قابل اعتبار نہیں، دشمنوں کا کیا میل ملاپ

آگ بِن دھواں کہاں

بغیر کسی بات کے افواہ نہیں اڑتی

آگ بِنا دَھر راکھ تَمْباکُو

جیسے بغیر آگ دھرے تمباکو بیکار ہے ویسے ہی ناقص تدبیر بھی بیکار ہوتی ہے

آگ پانی ایک جگہ نہیں رہ سکتے

آگ پانی کا سنجوگ ہے

آگ پانی کا بیر ہے

دو متضاد چیزیں ایک دوسرے کی ضد ہوتی ہیں، طبعی مخالفت ہے

آگ پھوس ایک جگہ کیسے رہ سکتے ہیں

دشمن اکٹھے نہیں رہ سکتے، اجتماع ضدین

آگ جانے لُہار جانے دھونْکنے والے کی بَلا جانے

ماتحت کو تعمیل حکم سے غرض ہوتی ہے انجام سے بحث نہیں ہوتی

آگ جانے لوہار جانے دھونکنے والے کی بلا جانے

حکم دینے والا ذمہ دار ہے، حکم کی تعمیل کرنے والے کا کوئی قصور نہیں

آگ جنواسا آگری چوتھا گاڑی وان، جیوں جیوں چمکے بیجلی دوں دوں تجے پران

جنواسا ایک پودا ہوتا ہے جو بارش سے مر جاتا ہے، جب بجلی چمکتی ہے تو یہ چاروں بارش کے ڈر سے گھبراتے ہیں

آگ روئی کی کیا دوستی

دو مخالف طبیعتوں کی دوستی کا کوئی اعتبار نہیں، دو جانی دشمنوں کا ملاپ نہیں ہوسکتا

آگ کا پُتْلا

چڑچڑا، تند خو

آگ کا پُتْلا آگ کو دھائے

ہر ایک چیز اپنی صل کی طرف رجوع کرتی ہے

آگ کا جلا آگ سے اچھا ہوتا ہے

آگ سے جلی ہوئی جگہ کو آگ سے سینکیں تو جلن کم ہو جاتی ہے، جس نے ایذا دی وہی تسکین پہنچا سکتا ہے

آگ کا جلا آگ سے ہی اچھا ہوتا ہے

آگ کے جلے کو سینکنا مفید ہوتا ہے

آگ کا دَریا

آگ کی کثرت ظاہر کرنے کے موقع پر کہتے ہیں

آگ کھائے گا انگارے ہگے گا

برے کام کا انجام برا ہوتا ہے

آگ کھائے مُنْھ جلے اُدھار کھائے پیٹ

آگ کھانے سے صرف منھ جلتا ہے مگر آگ سے زیادہ قرض سے ڈرنا چاہیے کیونکہ آگ کی سوزش ظاہری جسم کت محدود رہتی ہے اور قرض کی تکلیف سے جی جلتا ہے ، قرض لینا آگ سے جل جانے سے زیادہ تکلیف دہ ہے .

آگ کَہْتے مُنھ نَہِیں جَلْتا

بری چیز کا نام لینے سے برائی کا اثر ہوتا ہے، بغیر گناہ کیے فقط زبانی کہنے سے آدمی مجرم نہیں ہوتا (فارسی : فعل کفر نباشد) ، اردو میں مستعمل

آگ کہنے سے منہ نہیں جلتا

فقط باتوں سے کام نہیں چلتا، جب تک عمل نہ ہو، خرچ کرنے کی جگہ وعدہ وعید سے کام نہیں چلتا

آگ کے آگے سَب بَھسَم ہَیں

آگ کے اگے جو چیز آجائے گی جل کر رہے گی

آگ لگا کر جمالو دور کھڑکی

غصے میں کسی کا لحاظ نہیں ہوتا ہے

آگ لگا کے تماشا دیکھے

فتنہ انگیز آدمی کی نسبت کہتے ہیں

آگ لَگائے تَماشا دیکھے

اس موقع پر بولتے ہیں جب کسی کے متعلق یہ ظاہر کرنا ہو کہ وہ فتنہ فساد برپا یا ایذا پہنچا کر اس تماشے کو دیکھتا ہے

آگ لگتا جھونْپڑا جو نکلے سو لاؤ

نقصان ہوتے ہوئے جو چیز بچ جائے اسے نفع سمجھنا چاہیے، نقصان سے جو بچ جائے غنیمت ہے

آگ لَگَنْتا جھونْپْڑا جو نِکلے سو لابھ

نقصان کا یقین ہوجانے کی حالت میں جو بھی بچ جائے یا جو بھی نفع ہوجائے غنیمت ہے

آگ لَگَنْتا جھونْپْڑا جو نِکلے سو لاؤ

نقصان کا یقین ہوجانے کی حالت میں جو بھی بچ جائے یا جو بھی نفع ہوجائے غنیمت ہے

آگ لَگَنْتی جھونْپْڑی جو نِکلے سو لابھ

نقصان کا یقین ہوجانے کی حالت میں جو بھی بچ جائے یا جو بھی نفع ہوجائے غنیمت ہے

آگ لَگَنْتی جھونْپْڑی جو نِکلے سو لاؤ

نقصان کا یقین ہوجانے کی حالت میں جو بھی بچ جائے یا جو بھی نفع ہوجائے غنیمت ہے

آگ لگے پر بِلی کا مُوت ڈھونڈنا

بے وقت تدارک کرنا، بے فائدہ کوشش کرنا، بے موقع محنت کرنا، خطرے کے وقت ناممکن الحصول چیز تلاش کرنا

آگ لَگے پَر پانی کَہاں

غصے کے وقت مروت و محبت نیز غرض یا خواہش کے وقت حیا اور غیرت نہیں رہتی

آگ لگے پر کنواں کھودتا ہے

مصیبت سر پر آ پڑنے پر اس کے دفع کرنے کے لئے فضول اور بے فائدہ محنت کرتا ہے

آگ لگے تو بجھے جل سے جل میں لگے تو بجھے کیسے

بچے کو تو درست کیا جاسکتا ہے مگر عادی مجرم کسی طرح نہیں سنور سکتا

آگ لَگے تو بُجھے جَل سے، جَل میں لَگے تو بُجھے کَہو کَیسے

اس موقع پر بولتے ہیں جہاں وہ شخص جس سے فریاد رسی کی امید ہو ظلم کرے

آگ لگے تو گھور بتاوے

آگ کی وجہ سے دھواں اٹھ رہا ہے پر کہتے ہیں کہ نہیں وہ دھول ہے

آگ لَگے کَر بَیری ، دَرْشَن مِتر دیکھ بَھرے سَب تَن مَن

مصیبت میں پڑے پر دشمن خوش ہوتے ہیں اور دوستوں کو رنج اور قلق ہوتا ہے

آگ لَگے مَنْڈے بَجَّر پَڑے بَراتی

میں ایسے نفع سے در گزرا

آگ لینے آئے تھے کیا آئے کیا چلے

بہت تھوڑی دیر کے لیے آنا، آتے ہی پلٹ جانا

آگ لینے آئی گھر کی مالک بن گئی

ذرا سا بہانہ پاکر قبضہ کر لیا

آگ لینے کو جائیں پَیَمْبَرِی مِل جائے

ایسے موقع پر بولتے ہیں جب کسی شخص کو توقع کے خلاف کوئی چیز حاصل ہو جائے

آگ میں باغ نہ لگاؤ

نا ممکن کام نہ کرو

آگ میں جو چیز پڑی وہ آگ ہے

صحبت کا اثر بہت زیادہ ہوتا ہے

آگ میں دُھواں کَہاں

ہر بات کی بنیاد ضرور ہوتی ہے، ہر علت کے لیے معلول ضرور ہے

آگ میں مُوتو یا مُسَلْمان بَنو

دو مضر یا خلاف مذہب باتوں میں سے جبراً ایک بات پر راضی کرنا، ایسا کام لینا جس میں یوں بھی خرابی ہو اور ووں بھی خرابی

آگ نہ اگل لعل اگل

برا کلام نہ بول، اچھے الفاظ منہ سے نکال

حوالہ جات: ریختہ ڈکشنری کی ترتیب میں مستعمل مصادر اور مراجع کی فہرست دیکھیں ۔

بولیے

Delete 44 saved words?

کیا آپ واقعی ان اندراجات کو حذف کر رہے ہیں؟ انہیں واپس لانا ناممکن ہوگا۔

منسوخ کیجیے حذف کیجیے

Want to show word meaning

Do you really want to Show these meaning? This process cannot be undone

Cancel Done

Download Mobile app

rd-android-app rd-ios-app
اردو
Saved Words No saved words yet

ریختہ ڈکشنری کا تعاون کیجیے- اردو کو فروغ دینے کے لیے عطیہ کیجیے

ریختہ ڈکشنری اردو زبان کے تحفظ اور فروغ کے لیے ریختہ فاؤنڈیشن کا ایک اہم پہل ہے۔ ریختہ ڈکشنری کی ٹیم ڈکشنری اور اس کے استعمال کو مزید سہل اور معنی خیز بنانے کے لیے پورے انہماک کے ساتھ لگی ہوئی ہے۔ برائے مہربانی ریختہ ڈکشنری کو دنیا کی بہترین سہ لسانی لغت بنانے میں اپنے عطیات سے نواز کر ہمارا تعاون کیجیے۔ عطیہ دہندگان سیکشن 80 G کے تحت ٹیکس مراعات کے مستحق ہوں گے۔

Donate Now donate-img1 donate-img2